1947 Mai jab India Ko azaadi Milne waali thi tab jo constituent assembly thi toh uske paas Sabse badi problem yeh thi ki India ek nation nahi tha atleast geographically kyunki USS time 565 princely states thi India Mai, ( princely states woh areas hote hai jaha pe Raja - Maharaja ka rule hota hai ) ab agar India Bina inn princely states Ko jode azaad ho jaata toh INDIA tukdo Mai batt jaata toh isliye Sabse pehle inn states Ko India ke saath jodne ka kaam saupa Gaya Shri Vallabhbhai Patel ji ko ( isliye unhe Iron Man of India bhi kaha jaata hai )...
Ab Almost saari states India ke saath aa gyi thi par ab bhi kuch states aisi thi jo India ke saath nahi Judi thi aur Naa hee judna chahti thi..unmai se thi //// Hyderabad, Manipur, Junagadh aur Kashmir ////
Ab Hyderabad, Manipur aur Junagadh ka toh ho gya ( inki bhi ek alag story hai lambi )
Par bacha Kashmir...
USS time Kashmir ke King the Raja Hari Singh...
***Kashmir ek Muslim Majority state tha par unka king ek Hindu tha***
Ab Kashmir ek Muslim Majority state tha toh Pakistan Ko Laga ki woh part bhi Pakistan ke saath judna chahiye isliye unhone Raja Hari Singh se kaha...
Par Raja Hari Singh na toh India ke saath judna chahte the aur Naa hee Pakistan ke saath par situation aisi Bani ki Pakistan ne Kashmir ke upar attack karne ki warning de daali toh Raja Hari Singh ne Apne Kashmir ki safety ke liye India ke saath Instrument of Accession sign kar lia aur yeh bhi agree hua ki ek Plebiscite bhi hoga...
( Kashmir ke logo se pucha jaayega ki woh India ke saath Rehna chaahti hai ya ek independent state Rehna chahti hai )
Jaise hee yeh IOA sign hua Pakistan ne attack kar diya aur Indian Armed forces Ko Kashmir bhej diya Gaya aur fir shuruat hui "Indo-Pak war of 1947 ki"...
Fir 1949 Mai UNSC ne Ceasefire ka agreement sign karaaya dono desho ke beech Mai jiski badolat LOC bana...
Iss agreement Ko "Karachi Agreement" bhi kaha jaata hai....
Fir 1950 Mai constitution laagu Kia Gaya saath hee Article 370 jiske according Kashmir Ko ek special state ka Darja Dia Gaya tha...
Aur Jo Kashmir ki awaam ki baat thi ki Jo plebiscite hona tha, woh kabhi nahi hua...
Aur uski ek wajeh yeh bhi Maan sakte hai ki **agar Kashmir ki awaam Ko independent rehne diya toh Pakistan uss par seedha attack karke Apne under kar lega kyunki Kashmir ke paas as an Independent state koi effective force nahi thi aur na hee hai jo Pakistani Armed forces se akele lad paaye...
**
Fir hui 1965 ki war ( Kashmir issue )
Fir hui 1971 KI WAR ( East Pakistan ki azaadi ke liye jo ab Bangladesh kehlaata hai )
1971 ki war ke Baad Kashmir pe Pakistan ka saara focus isliye chala gaya kyunki India ne unse unka ek eastern Half cheen Liya tha aur ab woh Kashmir Ko India se cheen na chahte the ( hai )...
Iske baad dono desho ne huge amount Mai apni forces Kashmir aur uske AAS paas deploy kar di jiski wajeh se aaj kashmir duniya ki Sabse heavily militarized area ban Chuka hai...
Fir hua 1987 Mai J&K ki legislative assembly ka election jismai national conference aur Congress ki alliance Jeet gayi ( ab yeh ek pro-india party thi aur jiski wajeh se Kashmir ke logo se plebiscite ka mauka fir nahi mil paaya aur voting nahi ho paayi )
Jiski wajeh se kuch logo ne violence ka tareeka apnaaya aur apni alag independence movement shuru ki...
Ismai main role JKLF ( Jammu and Kashmir Liberation Front ) ka tha...
Unhone dheere dheer muslim youth Ko brainwash karke recruit karna shuru Kia aur apna pehla Bomb Attack Kara Srinagar Mai...
Aur tezi se Indian Security Forces Ko apna nishaana banaana shuru Kia...
Aur yeh mauka dekh kar Pakistan ne Kashmir Mai bhi Jihadism shuru kar diya...
Aur 90s tak yeh badta chala gaya aur iss insurgency ko Pakistani Jihadis ne dominate karna shuru kar diya...
Jiski wajeh se India ne almost half million Security Forces Ko Kashmir Mai deploy Kia aur counter attack shuru Kia...
Fir hui 1999 Kargil war ki shuruat jismai shuru Mai hee India Ko bhaari nuksaan hua par Indian army aur airforce ki badolat ham woh Jung toh Jeet Gaye par Kashmir ka hul Abhi bhi nahi nikla...
Fir 2001 Mai Parliament Mai ambassador car Mai aaye 5 terrorist's ne Attack Kia jismai Afzal Guru Ko Doshi paaya Gaya aur iss ke peeche LeT aur JeM ka haath paaya Gaya...
Fir 2002 Mai Akshardham attack aur
Fir 2006 Mai LeT ke Mumbai Train Bombings aur 2008 Mai Mumbai Attack ne poore desh Ko hila ke rakh diya...
Jiske Baad Maharashtra Mai ATS ka formation hua...
Fir 2016 Mai URI attack aur 2019 Mai Pulwama attack ne yeh saaf kar diya ki yeh ladaayi ab Kashmir ke awaam ki nahi hai....
Ab Indian Security forces ke paas Kashmir Mai inn terrorist's ( militants ) ke against action Lene ke liye itni power nahi thi kyunki har baar yaa toh j&k ki legislative assembly dakhal deti thi ya fir human rights wale pohoch jaate the...
Jiske liye Article 370 Ko hataana ek necessity ban chuki thi...
👏👏👏👏
ReplyDelete